旺泰特食

Open Now

Now Closed

一家人6大3小原本book了西貢划獨木舟🚢，因為打風關係暫停。但見到仍然天氣晴朗，無謂嘥咗日假期，於是仍然約往西貢四週圍行下，食個飯。隨意走入西貢啲後街小巷，食個午餐。疫情關係，我哋分左檯坐，我哋呢邊order了以下幾樣share嚟食。泰式炒金邊粉：份量比較細，但味道十分正👍👍清湯雞粉，冬陰功雞粉：是太太、大囡至愛，每次嚟到必叫。泰式燒豬頸肉：豬頸肉薄切，好爽口。個醬汁是精髓，起到點晴作用。青木瓜沙律：好清爽，初初覺得一啲都唔辣，但係越食越辣😋鹽燒黑鯽魚：等得比較耐，即叫即燒，大約要20分鐘。魚肉好嫩滑，個泰式醬汁提味增鮮。地方比較細，坐得唔舒服，但係食物幾正宗，價錢合理。