第一次光顧泰夯蝦，先要上Google查下個＜夯＞字何解和咩讀音，讀者想知就自己查啦！
泰夯蝦環境幾濶落，座位吾逼，每張枱都連住魚缸（叫蝦缸才貼切），客人不用離座去夾蝦。以前光顧過一間流水蝦店是用“篩”撈嘅！呢度就用“夾”挾的，都幾過癮。再者，冷氣夠凍，抽風夠力，網燒爐面尺寸尚可啦！如果大少少仲正。
我地選擇了最貴價錢的流水蝦+海鮮餐，當然捨棄所有肉類串燒啦！所以評價不到燒肉質素。流水蝦一定是新鮮游水啦！此品種味道較淡，建議加粗鹽來燒，個人食左起碼20隻，爽阿。海鮮有石蚝、帶子、風螺和沙白蜆。我和老婆都算蚝痴，各人都食左十幾廿隻，燒至微微開蓋就食，脹卜卜有海水鮮味，如果燒過火就縮晒皮。沙白蜆都值得一讚，冇沙有海水味，數不清吃了多少啊！
除了燒海鮮外，竟然熟食都有驚喜，估吾到海南雞都煮得咁嫩滑，好味過酒樓酒店。卤水豬手都做得出色，男人應該喜歡的。其他小食都吾錯，連炸蝦片都認真做，吃了10塊8塊。
冬蔭功湯味道幾好，湯料吾算豐富。椰子湯用燉盅出餐，以為好野，可惜太咸了。冰凍飲品選擇不算多，冇可樂啤酒。擺放位置扣分，放係後攔，光線不足又不方便。雪糕是香港出品，超市冇得賣的，有8款口味，個人和老婆不算愛吃雪糕，但肥仔兩公婆就堅愛，肥仔吃了8球，隔離都吃了4球。據老友推介，豆腐味和流槤味都好正。
洗手間整體是乾淨企理，但通路濕滑又有雜物雜貨，都要扣扣分。
3個鐘轉眼間就過去了，忙忙燒忙忙吃飽飽，如果加多一個鐘，坐下飲下Hea下，咁就更加完美了。整體上，燒烤海鮮和熟食都很高質，值得安哥的。補充一提Tips，現金找數係9折架！即係抵銷加一，慳返吾少架。
能夠和相識微時的30年知己老友相聚吃喝，已是無憾了。品嚐到人間美食，不能不讚美造物主的奇妙作為，感恩之餘也要祈願神賜人健康和平安喜樂，人辛苦賺來的，也可安然坐下來享受用吃喝，這便是中國人話齋“辛苦搵嚟志在食”，阿們。
1
