Video
Read full review
2019-03-14
31 views
英國朋友返咗嚟香港，今日帶佢去食香港人好流行嘅中西fusion菜。餐廳背向銅鑼灣，面向跑馬地，天色好嘅時候景觀一覽無遺😍. 餐廳其實類似🍸酒吧形式，但係亦都有供應套餐或者單點食物；難得同朋友食飯，我哋決定嗌套餐，除咗唔使自己諗，仲可以食到唔同嘅特色美食。. 櫻花蝦避風塘茄子老實講避風塘茄子喺某啲西餐廳都有供應,，當然之前食過嘅會偏向比較油膩，呢度做到係外脆內軟，但係食落口唔會成口油；🍆茄子喺炸之前應該經過調配，令到茄子唔會氧化，亦都唔會感覺吸咗好多油。. 花膠螺頭片波士頓龍蝦湯極度fusion嘅湯，飲落去好濃郁，帶點🦞龍蝦膏甘香味，證明到佢真材實料！相反，花膠同螺頭味道唔算好出，但係落咗呢兩樣配料，令到成個湯膠質增加，口感濃厚😋. 牛油果川味辣子雞仿效咗中餐廳嘅鳥巢做法，改用咗炸春捲皮做一個容器，就咁睇其實見到好多辣椒，但係只要唔咬到佢嘅辣椒仔就唔會好辣。🐔辣子雞唔會炸到乾巴巴，微微辣嘅辣子雞間唔中食到一兩粒牛油果，感覺突然間變得清新，減低油膩感。估唔到牛油果都可以咁樣入饌👍. 日本青芥末生菜盞望落去就知係模仿生菜包，賣相普通但係食落去相當有驚喜！蛋白質可以選豬牛雞或海鮮，我哋揀咗海鮮
. 餐廳其實類似🍸酒吧形式，但係亦都有供應套餐或者單點食物；難得同朋友食飯，我哋決定嗌套餐，除咗唔使自己諗，仲可以食到唔同嘅特色美食。
. 櫻花蝦避風塘茄子
老實講避風塘茄子喺某啲西餐廳都有供應,，當然之前食過嘅會偏向比較油膩，呢度做到係外脆內軟，但係食落口唔會成口油；🍆茄子喺炸之前應該經過調配，令到茄子唔會氧化，亦都唔會感覺吸咗好多油。.
花膠螺頭片波士頓龍蝦湯
極度fusion嘅湯，飲落去好濃郁，帶點🦞龍蝦膏甘香味，證明到佢真材實料！相反，花膠同螺頭味道唔算好出，但係落咗呢兩樣配料，令到成個湯膠質增加，口感濃厚😋.
牛油果川味辣子雞
仿效咗中餐廳嘅鳥巢做法，改用咗炸春捲皮做一個容器，就咁睇其實見到好多辣椒，但係只要唔咬到佢嘅辣椒仔就唔會好辣。🐔辣子雞唔會炸到乾巴巴，微微辣嘅辣子雞間唔中食到一兩粒牛油果，感覺突然間變得清新，減低油膩感。估唔到牛油果都可以咁樣入饌👍.
日本青芥末生菜盞
望落去就知係模仿生菜包，賣相普通但係食落去相當有驚喜！蛋白質可以選豬牛雞或海鮮，我哋揀咗海鮮。生菜相當清爽，海鮮亦都好彈牙，尤其佢個🦐蝦，醬汁唔多但係入味非常，簡單健康。.
竹炭甘筍汁黑毛豬鹹水角
外型已經相當吸睛，贏盡掌聲👏切開鹹水角發現佢外皮如法式牛角酥，有七七四十九層般嘅摺疊😎內藏嘅黑毛豬脂肪比例均一，香濃唔騷；唔同嘅顏色亦都相當有特色，感覺好優雅❤️.
金箔紅酒烏梅山楂糕
食完唔同種類唔同味道嘅菜式，最後嘅甜品值得讚賞。味道一啲都唔濃，但係帶出淡淡嘅烏梅同山楂味道，清一清口中復雜味道，為呢一餐晚飯作一個非常完美嘅完結☺️
Post
