31
9
5
Level3
39
0
唔止, 仲係一路嗌住好味咁飽死是日又係補課天, 不過今日係朝早補課放學和同學一齊黎呢度食lunch, 原定食獲氣十足o既炒粉麵飯, 但係因為老師請食西餅o既關係, 係half-full情況下冇可能食得到-___-"於是我改叫蛋治轉麥心飽炕底+熱鴛鴦, 同學就叫左早餐:沙嗲牛丁+腸仔炒蛋+油多, 另加一個啤酒杯特飲--菠蘿荔枝冰先講我果份, 麥心飽有兩款, 一款係全麥, 一款係甜麥心, 我揀o既係甜麥心, 炕得好脆, 微甜, 個包好好, 可惜衰係蛋度, 叫炒蛋, 變左係發渾o既煎蛋, 味道一般, 蛋只佔包o既3分2面積。總括來說, 成份三文治都算好。=] 鴛鴦飲落有好少好少好少o既鞋口, 味道一般, 唔夠熱唔夠香, 不過不失而已。試左一口同學o既牛肉, 沙嗲味適中, 彈牙, 略欠牛味, 都幾好, 應該冇經梳打粉洗禮。油多係嘉頓方包(慶幸自己轉麥心), 冇特別, 炒蛋冇試更加冇野講。我係呢度常客, 啤酒杯如何重量級唔係第一次見識, 朋友要少冰但係都係好多冰, 不過始終杯野真係好大杯。朋友話味道ok, 我信佢。朋友食完之後飽到連打幾嗝。老闆好醒目, 我去左2兩次已經認得我, 之後每次去, 離
Read full review
唔止, 仲係一路嗌住好味咁飽死

是日又係補課天, 不過今日係朝早補課
放學和同學一齊黎呢度食lunch, 原定食獲氣十足o既炒粉麵飯, 但係因為老師請食西餅o既關係, 係half-full情況下冇可能食得到-___-"

於是我改叫蛋治轉麥心飽炕底+熱鴛鴦, 同學就叫左早餐:沙嗲牛丁+腸仔炒蛋+油多, 另加一個啤酒杯特飲--菠蘿荔枝冰

先講我果份, 麥心飽有兩款, 一款係全麥, 一款係甜麥心, 我揀o既係甜麥心, 炕得好脆, 微甜, 個包好好, 可惜衰係蛋度, 叫炒蛋, 變左係發渾o既煎蛋, 味道一般, 蛋只佔包o既3分2面積。總括來說, 成份三文治都算好。=] 鴛鴦飲落有好少好少好少o既鞋口, 味道一般, 唔夠熱唔夠香, 不過不失而已。
試左一口同學o既牛肉, 沙嗲味適中, 彈牙, 略欠牛味, 都幾好, 應該冇經梳打粉洗禮。油多係嘉頓方包(慶幸自己轉麥心), 冇特別, 炒蛋冇試更加冇野講。

我係呢度常客, 啤酒杯如何重量級唔係第一次見識, 朋友要少冰但係都係好多冰, 不過始終杯野真係好大杯。朋友話味道ok, 我信佢。朋友食完之後飽到連打幾嗝。

老闆好醒目, 我去左2兩次已經認得我, 之後每次去, 離10米遠見到我就幫我搵定位, 唔該前多謝後, 搞錯會主動道歉, 除左小錯誤唔算少之外, 服務冇大問題。

至於呢度最讚都係抵食到爆燈
1.炕底唔加錢
2.碟頭飯同炒粉麵飯超級大碟, 3個細食女仔share一碟都夠飽, 但價錢一律$23, 送熱飲一杯
3.轉凍飲只加$1, 轉啤酒杯亦只加$2, 但份量就比普通杯多一倍!
4.味道幾好, 尤其係炒粉麵飯, 呢度o既星洲炒米係我心頭好之一, 另外心水推介仲有炒公仔麵, 咖喱炒飯, 小食類首推熱到辣口炸燒賣, 點埋泰式辣醬, 酸酸甜甜, 絕對冇可能難食!
5.啤酒杯特飲只賣$10, 今日見到隔離叫紅豆冰, 大杯到我呆晒, 雖然見慣啤酒杯, 但係咁大杯紅豆冰真係第一次見。我諗如果我今日淨叫個紅豆冰, 分分鐘可能仲飽過三文治+鴛鴦。比大家樂平$1, 但係份量多成倍, 抵到拍爛手掌。

注:味道扣一分係因為飲品味道稍遜。當然, 若果你拎佢同以奶茶咖啡出名o既金鳳﹑勝香園或檀香黎比, 咁係你蠢。
24 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Spending Per Head
$13