一粥麵 (碧堤坊)

Open Now

Now Closed

喺呢頭都冇乜好食，加上天氣熱，又唔想行番過深井村啲茶記，唯有留喺呢個商埸仔。通常我都係食大_活，琴日同女朋友食下午茶，就pat pat痕諗住試下一粥麵啦，真係有啲後悔…餐廳有少少開放式裝潢，位置都幾多，加上係平日下午，就唔係好多客人。點餐之後等左一陣就叫號。我點嘅係炸醬撈麵，另外加3蚊可以有3粒雲吞，見價錢唔係好貴幾抵食咁，我就加埋。點知一開頭拎完餐埋位，一睇先留意到漏左雲吞冇俾到我，於是我要再走番出去拎…呢下公覺得有少少大意啦…撈麵煮到非常之腍…腍得滯…醬汁可以話係好淡…雲吞亦都好普通，不過價錢平，就唔批平…女朋友點嘅係魚蛋魚腐河粉，魚蛋、魚腐都係合格，但河粉幼身太碎，好難夾。