聽好多朋友話呢間係正宗意大利Pizza
而且有好多唔同嘅選擇🤩
今次朋友慶祝生日就預訂咗呢度試吓
差唔多成20人嘅聚會 預約咗20:30
我哋去到嘅時候大概20:15
佢哋上一台嘅客人都仲未準備離開
所以我哋喺樓下等到20:30先至再上去多次😗
成20個人掃安心出行都要啲時間
坐低咗之後大約12個人一枱
每個人基本都嗌咗一個Pizza
嚟到嘅份量大細比我想像之中細🥺
每個女仔都基本上可以自己食晒一個
我就叫咗三文魚經典pizza
男朋友就叫做Margarita同炸pizza
煙三文魚pizza好足料 蔬菜夠多 餅底唔會太乾
餅邊比較鬆軟似麵包 似返意大利款式😍
男朋友嘅Margarita就有好足夠嘅芝士同蕃茄醬
而炸Pizza比較特別 係出邊食唔到嘅款式
所以難得嚟到點都要一試🥳
餡料有火腿蔬菜芝士 調味尚算唔錯
但以佢呢個價錢 我哋就未必會返嚟再食
一個Pizza基本消費大約$230未加一
所以計一人大約$300
性價比一般但係如果朋友聚會來講呢度嘅環境算唔錯
服務生都係外國人要用英文溝通
大家都好有禮貌 好快手🤓
可能因為成20人嘅關係 廚房每一次只可以焗到兩個Pizza😩
時間上要等得比較耐 😉
值得一讚嘅係朋友生日佢哋送咗一杯Tiramisu俾佢🥳
