唔同時段都有不同收費，分早鳥，貓頭鹰$348和深宵$298優惠，都好抵食。今晚食海鮮餐$408/位180分鐘，先攞野飲，有健康的薏米水，仲有樽裝可樂，好有feel。
等緊雞煲時，送上4小碟。
刺身船都有幾多款式，冰鎮鮑魚和煙燻豬肝都好入味。
招牌麻辣雞煲BB辣，煮7-8分鐘，每兩分鐘炒炒，香噴噴，令人食指大動。
海鮮拼盤有龍蝦，都幾大隻，新鮮彈牙。
蟲草花椰子花膠湯底清心潤肺。
本地手切牛頭脊都好正，牛味濃郁，爽口。
之後就任食紙仔揀野食，可以喪食海蝦。
薑汁皮蛋貢丸都幾特別，豬頸肉肉質滑溜，估唔到都唔錯。
菜藍新鮮，放入充滿精華的湯底，令蔬菜都特別甜美。
3.6 北海道牛乳奶凍有驚喜，牛乳味濃郁。
原來下午有開心餐$208任飲任食，都幾抵，下次可以試下。
