🐟 酸菜魚酸香開胃，魚片滑唔腥，湯底夠味但唔會太鹹，又唔會太酸又唔會太辣。
🌶️ 辣子雞丁炸得香脆，乾椒香氣有，雞肉唔鞋。
🐑 孜然羊肉炒得夠鑊氣，孜然味濃，羊肉冇羶味，同枱仲有人食唔出係羊。
🥣 酸辣湯酸辣平衡，料多唔稀，有一鍋同一碗揀，暖胃之選。
🥦 干鍋花菜炒得乾身，花菜爽口，吸晒醬汁，越食越惹味。
🍜 肉絲兩面黃超脆口，醬汁分開上唔怕個麵淋哂。
🥟 小籠包皮薄唔穿，湯汁多，熱辣辣出爐。
🦀 蟹粉拌麵秋季限定，蟹粉香濃，金黃色舖滿，好豪氣，麵條煙韌。
🐖 沙薑豬手+$1加配，豬手炆得腍，沙薑味唔搶戲，抵食。
餐廳主打正宗上海菜，仲有妙齡乳鴿同大閘蟹系列，秋天嚟食蟹粉都幾應景。每道菜份量都唔細，食到我地勁飽，價錢合理，啱晒一家人或朋友聚餐。
