早到10分鐘左右，門口已排隊，因為分時段所以個個都係同一時間入場，小朋友收$70清潔費，大人點餐便可。坐低後想確認我哋係咪有9折所以問職員，回覆係佢唔清楚要埋單先知，咁我再問另一個可唔可以幫我check吓，佢話check但最終都係不了了之，算！埋單時睇清楚有冇啦！好彩係有嘅！
嘢食方面，order完好快就到，不過由湯至主菜至飲品都只係微暖，味道一般。當晚2個餐加埋1小朋友清潔費9折咗$6xx。
玩方面，小朋友尚算開心，不過玩嘅地方冇想像中大，只有一個波波池加滑梯，另一邊有d煮飯仔之類。
收我呢個價錢，玩，我寧願去冒險樂園；食，絕對唔值！所以真心唔推介！唔明點解咁多人排，係咪宣傳策略？
