Read full review
2017-02-02
5320 views
一早都知道今日要去銅鑼灣做野，所以同啲同事一早夾定，收工後去食個豪晚餐，所以首選一定係龍蝦包，因為大家都想試好耐~其實收工後都多人，所以大約7點半已經開始排緊隊，當然排嘅人龍唔長，但係入面已經坐咗好多人~一坐低，我一定係要食龍蝦包，所以同事就好痛苦咁諗自己要食咩，但係到最後我地決定個包要分甘同味，因為……個包睇落去一啲都唔細，我地幾個女仔，真係叫一個就夠，再叫其他嘢食好過Lobster Burger - 主要有車打芝士、波士頓龍蝦、牛油果、蕃茄、生菜、自家製蕃茄醬，其實我落單之前，無留意過佢係有牛油果，到見隔離枱客人上菜，我見有就知大鑊，因為我係唔食牛油果的~~好彩，我重有啲好同事，會幫我食咗佢，就算無牛油果都唔會令到個包唔好食個龍蝦好爽口彈牙，啖啖肉，超正，另外配埋個車打芝士，最緊要係有大少最執著嘅一樣嘢，個麵包皮係有烘過，簡直係一等一滋味，同埋……真係勁大個，女仔一個人好難食得晒~Twister Prawn - 呢個係佢一個好出名嘅小食，薯絲蝦，好多切到好幼細嘅薯仔絲包住隻蝦去炸，食落口有薯仔爽脆口感，又有好香薯條香味，再加上入面隻蝦，真係一次過可以滿足2個願望Breaded Ha
其實收工後都多人，所以大約7點半已經開始排緊隊，當然排嘅人龍唔長，但係入面已經坐咗好多人~
一坐低，我一定係要食龍蝦包，所以同事就好痛苦咁諗自己要食咩，但係到最後我地決定個包要分甘同味，因為……個包睇落去一啲都唔細，我地幾個女仔，真係叫一個就夠，再叫其他嘢食好過
Lobster Burger - 主要有車打芝士、波士頓龍蝦、牛油果、蕃茄、生菜、自家製蕃茄醬，其實我落單之前，無留意過佢係有牛油果，到見隔離枱客人上菜，我見有就知大鑊，因為我係唔食牛油果的~~好彩，我重有啲好同事，會幫我食咗佢，就算無牛油果都唔會令到個包唔好食
個龍蝦好爽口彈牙，啖啖肉，超正，另外配埋個車打芝士，最緊要係有大少最執著嘅一樣嘢，個麵包皮係有烘過，簡直係一等一滋味，同埋……真係勁大個，女仔一個人好難食得晒~
Twister Prawn - 呢個係佢一個好出名嘅小食，薯絲蝦，好多切到好幼細嘅薯仔絲包住隻蝦去炸，食落口有薯仔爽脆口感，又有好香薯條香味，再加上入面隻蝦，真係一次過可以滿足2個願望
Breaded Ham Stuffed Cheese - 呢個係另一款好出名嘅小食，外層好鬆脆，包住入面有溶嘅芝士同火腿，我覺得自己好似食緊火腿芝士西多件，好好味，個芝士重可以拉絲架
Truffle Cheese Fries - 愛上黑松露嘅我，點可以唔食黑松露薯條呢，我見好多客人都係啲醬已經淋上薯條面，但係我就唔係好鍾意呢個食法，因為啲薯條會即淋唔再脆口，所以我叫佢另上，個薯條好粗身，所以都幾飽架~食呢個黑松露醬有個秘訣，就係要快，因為佢係芝士醬，唔係沙律醬，一凍咗，個芝士松露醬就會“瓊”咗，想沾都沾唔到
Post
