Read full review
2020-06-09
2200 views
食飯最緊要有知音者，同聲同氣至食得開心，今日又同班鐵腳食大蝦，最正是飯腳買左金域假日酒店6折現金券，當然即刻用。今次好似同大蝦有仇咁，在龍苑新推出的4款大蝦中，就點了3款大蝦，不過食得滋味最緊要。 「茄汁煎蝦碌」微酸帶甜好醒胃，仲誘發出大蝦鮮甜味。「蒜蓉牛油焗大蝦」蒜香樸鼻一樣咁吸引。 不過個人就最欣賞「咖喱大虎蝦粉絲煲」一開個煲蓋，咖哩香傳到幾丈遠都聞到，最精彩除了大蝦外，粉絲吸收晒大蝦的鮮甜及咖哩香，好味到令大家欲罷不能。 我地仲點了金絲鵝肝百花炸釀北海道帶子，外表脆卜卜，入面是好軟滑鮮甜的帶子及蝦膠，同樣鮮味十足，口感好豐富。 招牌紅酒燴牛尾，好味到無得彈，肉質又腍又夠味，連汁我地都唔放過，點埋花卷同吃，好鬼好味。 不過講到至出位必屬枝竹火腩紅炆龍躉翅煲，熱辣辣咁原煲上，啖啖龍躉肉，唔多講都知幾得，仲有男人至愛的火腩，加埋索晒汁既枝竹，簡直滿足晒味蕾。 最後食埋啫啫西生菜煲，好滿足？當然未喇！仲有我最愛蛋散及滑溜溜豆腐花，呢兩道甜品都好正呀！由於我地有6折現金券，即刻用抵上加抵，如果未買就要快手。不過依家凡惠顧龍苑中菜廳午膳及晚膳，憑匯豐信用卡星期一至日七折優惠，AE及恆生星期
「茄汁煎蝦碌」微酸帶甜好醒胃，仲誘發出大蝦鮮甜味。「蒜蓉牛油焗大蝦」蒜香樸鼻一樣咁吸引。
不過個人就最欣賞「咖喱大虎蝦粉絲煲」一開個煲蓋，咖哩香傳到幾丈遠都聞到，最精彩除了大蝦外，粉絲吸收晒大蝦的鮮甜及咖哩香，好味到令大家欲罷不能。
我地仲點了金絲鵝肝百花炸釀北海道帶子，外表脆卜卜，入面是好軟滑鮮甜的帶子及蝦膠，同樣鮮味十足，口感好豐富。
招牌紅酒燴牛尾，好味到無得彈，肉質又腍又夠味，連汁我地都唔放過，點埋花卷同吃，好鬼好味。
不過講到至出位必屬枝竹火腩紅炆龍躉翅煲，熱辣辣咁原煲上，啖啖龍躉肉，唔多講都知幾得，仲有男人至愛的火腩，加埋索晒汁既枝竹，簡直滿足晒味蕾。
最後食埋啫啫西生菜煲，好滿足？當然未喇！仲有我最愛蛋散及滑溜溜豆腐花，呢兩道甜品都好正呀！由於我地有6折現金券，即刻用抵上加抵，如果未買就要快手。不過依家凡惠顧龍苑中菜廳午膳及晚膳，憑匯豐信用卡星期一至日七折優惠，AE及恆生星期一至四75折，五六日八折，用信用卡一樣咁抵。
查詢：2315 1006或網上訂座
Post
