今次係set dinner 以龍蝦為主題既龍皇珍味宴🦞
一共有7碟菜，每位$598 加一 🙆🏻♀️
✨醬蘿蔔薑蓉龍蝦 & 至尊蜜汁叉燒
頭一碟菜係兩式拼盤
左邊係經醃製過既蘿蔔加上鮮味十足既龍蝦
蘿蔔爽脆既口感加上軟軟既龍蝦肉，口感一流
右邊亦都唔係一般既蜜汁叉燒，有煙燻味，驚喜十足👍🏻
✨花雕蛋白蒸龍蝦鉗
龍蝦鉗仍然帶有鮮味👍🏻
花雕味都好突出，但又唔會搶左龍蝦既鮮味
蛋白好滑，有種食緊茶碗蒸既感覺xd
✨原個椰皇杏汁燉花膠白肺湯
呢個湯相信係女士最愛😍
係乾燥既天氣飲花膠豬肺湯十分滋補
同傳統既杏汁豬肺湯最大分別係以原個椰皇燉
帶來淡淡既椰子清甜😋
✨香蔥油爆龍蝦球
呢碟比起其他菜式相對無咁突出
不過龍蝦球仍然爽脆，亦都唔會太乾身
✨蒜片m9 和牛粒
龍皇珍味宴除左龍蝦亦都有和牛
煎得香口既和牛粒配上炸得香脆既蒜片都不錯👍🏻
✨上海龍蝦炒麵
呢碟略嫌無咩驚喜
可能一開頭既龍蝦菜式都太好味了
加上炒麵有啲太乾身，如果多番少少芡汁會好啲
✨燕窩葛仙米燉雪梨
最尾既甜品都係好滋補養顏
燕窩攘左係雪梨入面
加上淡淡既葛仙米雪梨水非常滋潤👍🏻😋
整體食物非常有質素，無疑系米芝蓮食府xd👍🏻
