走青

Open Now

Now Closed

偶爾喺openrice發現呢間新開嘅餐廳，連menu都無人upload過就膽粗粗黎試下。入口位置要搵一搵，因為門口喺街度而唔係喺商場入面，唔熟呢區嘅人要留意一下。叫左薑蔥牛肉麵、皮蛋瘦肉粥、芝麻卷同埋蝦腸粉。食物都算中上，牛肉麵牛肉夠lum身，粥品方面都正常發揮，芝麻卷好黑芝麻味蝦腸都唔錯，腸粉粉皮都滑嘅，蝦都大粒。環境裝修同裝飾品有點睇得出花左啲心機，座位舒服，餐廳都播住啲舊歌，貫穿番成個風格。價錢方面可能會覺得偏貴少少，大部份麵同粥每碗大約$6x - $7x，不過都可接受範圍，因為個環境同味道同埋服務方便真係唔錯嘅。