點心棧 (Closed)

愛上團購，今次黎到食點心！！除左有幾條瑤柱絲同有芫茜之外，其實佢就係一隻蝦餃！不過外型好靚～～同時亦好難keep住佢個樣咁夾起……蒸太耐，個皮一拎起即刻爛左，味道一般湯幾好飲，見到一粒粒ge杞子，但鮮竹卷同出面ge冇乜分別米妮第一次食鵪鶉蛋燒賣！！估唔到個鵪鶉蛋燒賣入面鵪鶉蛋同豬肉都仲有成隻蝦！食落口感好好，上面冧d，到中間爽口，蛋香＋蝦＋豬肉，好好食！一開始問個waitress煎蛋牛肉飯ge牛肉係唔係好似山竹牛肉咁ga，個waitress話，唔係，係牛肉餅黎ga……. 結果…….. 咪又係一樣不過個煎蛋有驚喜，估唔到佢係半熟ge，因為上面一望以為係有d overcook ga！！好食～平時米妮唔係好鍾意食呢類型ge食物，因為總會有d麵粉個d野會痴係個口入面，好唔舒服，估唔到呢度ge馬拉糕唔痴口，好香又唔會太甜～不過米奇話冇乜特別wor茶：飲左五花茶同鐵觀音，五花茶好正！同出面俾錢飲個d涼茶一樣味～大家去食野可以一試，同埋其實可以試晒三種茶，因為佢係一杯杯倒俾你 (唔係一壺壺ge)埋單只係俾左現金5蚊，因為米妮之前用$50蚊買左$100蚊coupon，咁即係兩個人只係用左$55 咋～～