King's Bistro (MOKO)

之前聽朋友講位於旺角東站2樓的小王府，飲茶點心超可愛又好食，趁今日放假便和阿女去試一試，因為係早茶嘅關係，我哋10:30去到已有好幾台茶客，一坐低便急不及待點了一些比較有創意而且推介的點心，到結帳時全單仲有八五折，抵食👍

重點推介小蜜蜂流沙包，做型可愛神似蜜蜂，撕開一半包內的奶皇流沙馬上如噴泉般爆出嚟，濃香的鹹蛋黃加入幼滑吉士奶黃醬，另味道提升不少，實在太好味所以我一口氣就吃了兩個

小蜜蜂流沙包

$28

另一可愛造型就係鵝肝鹹水角，造型似啤梨肥嘟嘟很可愛，只睇外表完全唔知道入邊係鹹或甜，外脆內軟配上特製鵝肝餡料，構思創新

鵝肝鹹水角

$30

酥皮菠蘿叉燒包，除了叉燒還有真正的菠蘿肉，味道出奇哋夾，真係出乎我意料之外

酥皮菠蘿叉燒包

$38

蝦餃果然係佢哋嘅招牌推介點心，每粒都用薄薄的水晶皮包入大量嘅蝦肉和少許筍粒，肉質鮮甜爽口彈牙，食著一粒接一粒停不了口

小皇府蝦餃

$43

春卷皮包着卡邦尼醬同蟹柳來炸，我都係第一次食，配搭新鮮香脆好味

卡邦尼蟹腳春卷

$32

軟糯的腸粉皮包着脆脆油炸鬼，再在內包着彈牙大蝦🍤加入自家製甜豉油同食，口感層次豐富，妙絕👍

台式脆蝦腸粉

$38

一般茶樓的鮮竹卷都係上湯或者蠔油，而小皇府就用新鮮蕃茄加茄膏煮成上湯，再放入鮮竹卷一同蒸，味道酸酸甜甜很開胃，就算食多兩條都唔會覺得溜滯😋

鮮茄上湯鮮竹卷

$30