添好運點心專門店 (Closed)

星期日一早去排隊。10點準時開門，但已經坐滿晒喇！排隊安排唔好，因為無員工比指示，又無比號碼排隊，所以唔知點。好彩等一陣就入得。事關第一次幫襯，好多野都想試。最喜歡係個叉燒包個皮真係好酥脆。個煎牛肉餅係炸嘅，應該係雲吞皮包住d類似山竹牛肉嘅東西。都可以嘅，不過加喼汁會好味D。豬膶腸粉就比較削！無乜豬膶嫁！但腸粉皮幾好。蘿蔔糕好味，真係有粒粒蘿蔔係裡面，又唔會煎得太燶。糯米雞都唔錯，都算足料！呢間點心可以做到有米芝蓮星星，一定有返咁上下。幾個師傅企係到係咁包點心，即場製作，足見誠意！