TeaDays

一街都係飲品店，感覺上黑糖鮮奶潮終於吹到香港，小茶堂係近日喺網上出現得比較頻密而評語唔錯的。飲品店位於好景地下，本來以為咁多人介紹，實會排長龍，點知唔洗排隊，冇可能唔買一杯走。

餐牌供應原茶，強調台灣茶葉鮮泡，另有奶茶、拿鐵、鮮奶、果茶等，定價$13-28。加料有黑糖珍珠、蜂蜜。
提供甜度選擇，較有彈性，始終好多人抗拒台茶，就係唔喜歡太甜的

黑糖珍珠鮮奶 $26/正常糖
根據過往飲黑糖鮮奶嘅經驗，半糖少糖會比較適合我，估唔到今次叫正常糖都可以接受。
飲品到手時，杯底用黑糖微溫，鮮奶、拿鐵類用上明治鮮奶，味道上同鹿角巷頗接近。但以甜度控制黎計，呢間更適合我
即使冇撈勻都唔會太甜。奶滑味重，不至於蓋過黑糖香。黑糖珍珠香甜不過火，珍珠偏細粒有咬口，同時黏牙，但有幾粒唔夠腍。
整體質素唔錯，以鮮奶類飲品黎講，價錢合理，有下次

1

黑糖珍珠鮮奶

$26