地下唔係好多位淨係坐到8至10個人同埋可以坐吧枱。上2樓嘅話你就會去咗閣樓，位置都唔係特別大如果有外國人係會好辛苦嘅。成鋪頭都係黑萌萌，小心夾錯食野梗親。
Cocktail 都多選擇，有東南亞inspired嘅cocktail可以試試。
嘢食偏重口味，睇唔明餸嘅名係好正常因為全部都係泰文拼音。建議返大家可以上網睇定有咩好食睇一睇個名因為都有可能會撈亂啲餸名。
呢度嘅燒雞係好食，炸雞就真係唔使啦KFC好過佢。泰式燒肉都做得比較出色因為就算落咗木瓜沙律都會脆皮。虎蝦Phad Thai, 隻蝦好彈牙。條魚燒得啱啱好，魚入邊燒嘅時間攝左香料魚肉好香。香蕉pancake 正，我唔記得影sorry.
不過整體來講食物份量偏小，偏鹹。難得嘅事香港唔係好多地方可以食呢一種泰東北Isaan菜。
