富臨漁港囍臨門酒家 (Closed)

呢排無咗晚市堂食真係好麻煩，出咗街做嘢唔通仲等夜一夜先返屋企煮咩！ 呢日做完野喺荔枝角個頭，咁啱唔知點解好想食燒鵝，路經長沙灣廣場見到原來富臨四點半就開始晚市，所以就入咗去醫一醫個肚~ 🧡明爐燒鵝皇（例牌）燒鵝雖然只係叫咗例牌，但件數都好多下，感覺好似叫咗半隻咁，幾抵食~燒鵝皮燒得好脆身，食落唔會話好油膩，調味嘅醬汁好入味，食落啲鵝肉都會食得出個味，唔錯~🧡酸菜豬手煲酸菜豬手煲係滾住食，冬天食好暖身~豬手份量都好多，整體調味偏重，適合配白飯食~🧡韓式炸雞炸雞炸得好脆口，咬入去肉質仲係幼嫩多汁！美中不足係佢未有配上一個醬汁嚟點，有嘅話就更好喇~