詠藜園四川擔擔麵

Open Now

Now Closed

黃埔嘅詠藜園喺呢個美食坊第一代做到依家，我都唔知已經食咗幾多年。佢嘅招牌擔擔麵係會食上癮嘅，隔冇耐就要返嚟回味。佢嘅午市二人套餐有麵、小菜、包點同豆漿，其實已經好夠食，今日見餓餓哋就叫多個豆沙鍋餅。擔擔麵佢嘅擔擔麵係最出名嘅菜式，辣度可以揀。面身比較爽滑，最厲害係佢個湯底，濃而不膩。每次食曬啲麵我都會飲埋啲湯，飲完唔會口渴。椒鹽肉排肉排質地柔軟，椒鹽味唔會太強，啱啱炸完即刻上枱熱辣辣。至尊鍋貼鍋貼就有啲普通，皮太厚餡冇乜鮮味。豆沙鍋餅餅皮夠鬆脆，豆沙唔太甜，同樣都係即制即上好夠熱。同場超過一半顧客都係遊客，日本韓國都有全部食得好開心！