棋哥燒鵝餐室

Open Now

Now Closed

約咗朋友銅鑼灣行街，順便去大型生果店睇下電話。行到黃昏時段，老公差不多放工，是時候要返屋企，但應該趕不上做晚飯，外賣吧。朋友好熟港島區，她建議搵棋哥買燒鵝。日資百貨公司後面條街行幾步就到，店舖光線充足，企理乾淨，給人食得安心感覺好重要。雖然燒味可以好快準備好，等候期間，友善的店員見我們拿着一些購物袋，示意我們可以坐一坐、歇一歇、等一等。燒鵝飯~ 件件有肉，燒鹅肉質鮮嫩，番到屋企鵝皮依然香脆，師傅添加少少鵝汁，使香軟白飯更美味。叉燒(半斤)~選用梅頭豬肉製成，肥瘦適中，越食越開胃。 我見半斤份量都唔少，抽起幾件瘦一點的，留下餐炒蛋，又一個餸。燒鵝飯仲有一碗中式老火湯，足料，比較濃味，啱我。老公見到靚燒味，即刻攞罐啤酒出嚟，開心吃番餐。