29
點左兩個餐 泰式炒金邊粉 + 香辣肉碎煎蛋飯
肉碎超多 好大份 煎蛋都做到半生熟荷包蛋
不過肉碎係暖的 唔係熱辣辣即炒 又唔乾身 好濕 如果佢係即炒乾身熱辣辣我會滿意多好多
之後再點左一份泰式炒雞肉金邊粉，好少係香港食到咁正宗嘅Pha Thai, 茄準底味，唔係豉油底，香甜酸酸地好惹味，呢碟就真係即炒，好食！
另外飲品本身好唔滿意佢好細杯，味道又唔係太泰式，有少少印度拉茶d香草味，怪怪地，太細杯都好快飲哂。
點知廚房煮野果位泰國啊姐走出黎問夠唔夠飲？唔夠比多杯我，然後我就得到左兩杯！無再額外收錢，好開心！
唔怪之得個炒金邊粉咁正宗，原來真係泰國人炒，呢個最好食！
強烈要求老闆個肉碎炒飯要即炒。
另外室內環境有少少迫，坐得唔太舒服。
不過港島區地鋪係咁上下，將就下。
