首先餐牌簡單易明跟住步驟就可以，一嚟店員就叫我哋喺餐牌上面揀四種海鮮，我哋就揀咗日本元貝，台山生蠔、大蟶子、仲有龍躉。
首先一嚟就係一個大型嘅海鮮拼盤，包括咗我哋自己揀嘅四種海鮮之餘，仲有龍蝦，個樣已經好吸睛。店員係會逐樣海鮮逐樣海鮮幫我哋整，所有海鮮都係非常之鮮甜美味，肉質都係好嫩滑，即蒸即食嗰種熱辣辣有鮮甜嘅美味，大啖大啖咁食海鮮，因為肉質好厚嫩，呢個口感係超級享受。食完幾樣美味海鮮之後就到蟲草花蒸雞，雞當然係嫩滑，之後就到火鍋出場，個餐包左牛肩脊，令到成件事非常豐富，除咗有海鮮食之餘，又有雞同牛，最後仲要食埋佢個海鮮粥底同埋紅棗糕。咁嘅價錢食到咁多嘢，真係去邊到搵。
