，碰巧遇著五一唔洗返工，終於可以眠過夠本。為食貓假後當然係身痕啦，所以即約同契妹去老友記推介間「鮨真」度食魚生，屈佢幫契哥補祝生月
。
1
樓上壽司屋以螢光藍燈展示招牌，門面再加個流水池，新潮中明顯仍堅持相信風水學。
1
店內以木條造出o既流線形間隔型格得黎有種好溫和o既感覺。
1
1
走廊有招財貓照住
。
1
架上亦曬出不少靚酒o既酒樽。
1
不過最可愛都係壽司吧枱一角o既Q版十二生肖陣
。
2
食魚生就硬係要揀坐壽司吧啦！
1
1
除咗可以觀賞兩位師傅表演之外，最重要就係近廚得食。
1
1
埋位先有熱茶及熱毛巾，暖手又衛生。
1
多頁電子版餐牌及酒牌夠光又夠清晰。
1
1
1
1
1
1
屈契妹還屈契妹，XO仔都好有良心地任由主人家決定食邊款「廚師發辦」；結果三個入面佢就揀咗每位$1,180，包有七款刺身及五款壽司o既「菊」
。
1
1
1
點好晚餐，師傅迅即準備數款顏色鮮美o既開胃漬物。
1
1
兩款醃蘿蔔均爽脆清新，蕎頭則醒胃多汁。
1
每當食完一款後，師傅仔都會即時另配其他漬物，絕對屬眼明手快之人
。漬物中個人最愛必選超級爽潤o既淮山。
1
帶甜o既酸薑都唔錯。
1
前菜之冰菜沙律：冰菜沙律同芝麻醬分開上，以便食客可自行控制所需之沙律醬份量。
1
形態猶如露水掛滿綠葉o既冰菜極之清爽輕巧，簡單淋上甜甜o既芝麻醬已夠芳香味佳
。
1
1
正當我倆食冰菜食到索索聲時，師傅仔就忙於喺兩塊粉紅板上掃上柚子粉末。
1
哥哥攞走咗隻沙律碟後即換上此塊粉紅晶石
。
1
小肥真係大鄉里，完全冇意識到依塊透光o既粉紅水晶原來乃天然調味料「喜馬拉雅粉紅岩鹽板」
。
1
碟邊右下角則為蔥條。兩者都係用黎配第一道刺身「海紅鯛薄砌」o既配料。
1
刺身之海紅鯛薄砌：師傅邊為食材作出簡介，邊建議如何食用此味白肉紅邊o既海紅鯛薄砌。第一件o既淨食海紅鯛魚味清肉潤。第二件先喺粉紅鹽板打兩轉後即增添柚子o既清新及微微o既鹽味。
1
第三片開始就先捲入細蔥條，再以柚子岩鹽轉出醒神o既咸香，鯛魚食落多咗份惹味同爽嫩
，邊玩邊食，相當過癮。
1
刺身之針魚：砌成葉形o既針魚刺身柔軟潤澤，輕輕點上配備o既薑蔥豉油已夠鮮濃。
1
1
刺身之銀雪魚：燒銀雪魚就食得多，銀雪魚刺身就好似好少機會食得到。白雪雪o既銀雪魚黏爽得黎個白色皮層油潤肥美
，同燒咗嗰種嫩口o既質感好唔同，其魚味鮮甜濃郁，個人覺得超好食。
1
刺身之深海池魚：銀光閃閃o既深海池魚爽厚鮮潤，同樣美味。
1
刺身之金目鯛：輕輕燒過o既金目鯛刺身鮮橙奪目，皮層香而帶脆，肉質則厚潤彈牙。
1
刺身之大拖羅：粉紅嫩白o既大拖羅刺身入口即溶，鮮香溢滿口腔，肥美軟潤
，果然永冇甩拖！
1
刺身之帆立貝：真係熱到辣手o既帆立貝被師傅先烘至金黃，再以紫菜包住續件上。帆立貝紫菜卷鬆而脆嫩，且甜潤惹味。
1
鱆紅魚壽司：為壽司環節打頭陣o既鱆紅魚壽司已預先調好味，故不用點上任何醬油即可食用，客人可因應自己o既喜好加上生磨山葵。白裡透紅o既鱆紅魚壽司光滑厚潤，新鮮甜美。
1
鮫魚壽司：微微燒過o既鮫魚壽司則魚味鮮濃，質感軟潤中帶點點爽。
1
赤貝壽司：橙美o既赤貝壽司貌如蝴蝶般輕盈美妙，入口鮮甜爽脆，冇得彈呀
！
1
海膽壽司：同為鮮橙艷麗o既海膽壽司外脆內軟嫩，鮮味香濃。
1
左口魚邊壽司：左口魚邊壽司幼嫩到迅即化於口中，其鮮及甜慢慢滲透入味蕾，作為壓軸之魚生也太貼切不過了。
1
魚湯：吃畢十二道魚生，就由一碗魚湯結尾。呈奶白色o既魚湯甜濃幼滑，窩心暖胃。
1
柚子雪葩：甜品柚子雪葩清新消滯。
1
尖沙咀樓上壽司店「鮨真」環境時尚簡樸，舒適又有景睇，師傅及樓面服務生同樣好客友善，就連店內o既熟客都鬼馬過人，店內氣氛十分輕鬆。晚市廚師發辦魚生鮮美高質，XO仔病後初癒屈契妹為生月補祝o既依一激食得真夠痛快！
