入到去環境幾舒服，細細間店鋪，座位唔會坐得太迫。
望完Menu 我地就好快落單，員工態度唔錯，有禮貌。落左單之後即刻上左前菜比我地食住等。有芽菜，南瓜肉，翠玉瓜，泡菜。我幾鏡意佢既芽菜同泡菜，食落好開胃，泡菜又唔會太辣。
話咁快就上菜，我點左一份韓國雜錦拌飯，加埋少少韓國辣醬撈黎食好正，份量足，一個成年男性食完都好飽肚!
食左一陣，個芝士年糕終於黎啦! 最驚喜係上面塊芝士，好香口，又煙韌，蓋過左啲本身無乜味既年糕，啲配菜都好食過啲年糕，同枱既朋友都一致認為塊芝士係呢個菜最值錢既部份!
另個一個朋友就點左韓國泡菜炒飯，不過上菜有啲慢，我地前面啲野差唔多食哂先黎。我地每人試左一啖，覺得都幾辣下，好在餐廳有茶水供應，即刻飲番啖茶解解解辣。
