日式蔴醬係微咸有好香芝蔴味，混上新鮮生菜、羽衣甘藍、蕃茄仔，健康醒胃。
所有套餐贈送 38元飲品一杯
紅茶或綠茶系列都可以揀以下多種味道： 檸檬、蜂蜜、荔枝、柑橘、青蘋果、水蜜桃、西柚、芒果、玫瑰、士多啤梨、熱情果、藍莓...總有一款口味啱您😘
味道：7/10
性價比：7/10
🔸 意式鮮茄肉丸燴意粉 $82
意粉烚得剛好，仍然係爽身嘅，用鮮茄肉粒跟意粉燴埋一齊，好食。 肉丸味道唔錯，好似意大利餐廳嗰種肉丸微微咸香味。
味道：7/10
性價比：8/10
🔸 西班牙海蝦 辣肉腸燴飯 $88
呢個西班牙海鮮炒飯做得幾正宗， 燴飯嘅飯粒仍然係粒粒分明， 有啲嚼口，飯裡面有6隻大蝦仁，唔同一般炒飯用無味嘅蝦仁仔，它仍然保留有海蝦味道，爽口好食。 辣肉腸唔會太辣，令整個西班牙燴飯更惹味。
味道：8/10
性價比：8/10
🔸 小食：特色 拼盤 $148
呢家小店做嘅小食有一定水準，各種炸物都精心用不同嘅炸槳，想一次試哂各款小食，最好就係叫做拼盤，一次有齊：洋蔥圈、芝士條、雞翼、魚手指、天婦羅魷魚，後四款均是各三條，其中芝士條夠大條但較膩，炸魷魚條係有紫菜伴住一齊炸，好惹味香口，個人覺得小食中最正嘅係【魚手指】，內裡魚肉雪白鮮嫰，即使毋須點沙律醬都好好食。
味道：8/10
性價比：7/10
🔸 蜜糖雞翼 $66
用個鐵pan裝上6大隻雞中翼，雞翼燒得外脆內嫰隻隻燋香， 添上蜜糖更和味九，我一個人就食哂6隻，如果可以，我可以encore再多食4盤燒雞翼。
味道：8/10
性價比：7/10
🔹環境： 就喺香港好多青少年朋友鍾意去玩嘅 金雞廣場樓上，窗景開揚，望落去可以見到麥花臣球場， 餐廳裏面座位設計得好好，有幾個間區，可以五六個人好寬敞咁樣喺沙化坐埋一圈， 最適合一班朋友喺呢度開party。
16
41
1
