Video
Read full review
2023-04-25
42 views
今日揀左間位於灣仔船街嘅餐廳食飯，以fusion菜為主，佢係難得一間fusion菜好好食嘅餐廳，今次我地2個人叫左三樣野1.八珍甜醋羽衣甘藍沙律依個沙律我真係覺得好有驚喜，佢個汁係用本地嘅八珍甜醋去做，醋汁淋上羽衣甘藍面，混合一齊食。本身羽衣甘藍係有種好獨特嘅味道，唔係個個岩食，但個醋汁出奇地同個種味混埋一體，非常之夾，我幾鍾意呢個醋汁，佢嘅味道唔止有啲甜味，仲有淡淡嘅香料味，食落好舒服同滿足。份量都啱啱好，係一個好正嘅開胃菜😋😋2. 21天熟成厚切豬扒呢個豬扒真係令人回味無窮。肉質非常鮮嫩，食落真係好滿足。豬扒嘅厚度啱啱好，外層煎得非常香口，每一啖都可以感受到肉嘅鮮味同埋汁水。另外，夾上個汁係用蘋果蓉+洛神花所製，點埋一齊食，好解油膩感。配菜都好好食，令整道菜品嘅味道更加豐富，尤其係佢個蒜頭，出面真係食唔返，勁正😋😋3.特色卡邦尼意粉（臘肉及金華火腿）唔好以為佢同普通卡邦尼一樣，佢最大特色係唔用堂肉，轉用臘肉同埋金華火腿，三者味道非常夾。意粉嘅口感好細緻，食落好有彈性，而臘肉同金華火腿嘅鹹香味增加左成個粉嘅層次。醬汁都好好味，最緊要係收汁收到岩岩好，冇晒多餘嘅汁，令成個味道更加實在，
今日揀左間位於灣仔船街嘅餐廳食飯，以fusion菜為主，佢係難得一間fusion菜好好食嘅餐廳，今次我地2個人叫左三樣野
1.八珍甜醋羽衣甘藍沙律
依個沙律我真係覺得好有驚喜，佢個汁係用本地嘅八珍甜醋去做，醋汁淋上羽衣甘藍面，混合一齊食。本身羽衣甘藍係有種好獨特嘅味道，唔係個個岩食，但個醋汁出奇地同個種味混埋一體，非常之夾，我幾鍾意呢個醋汁，佢嘅味道唔止有啲甜味，仲有淡淡嘅香料味，食落好舒服同滿足。份量都啱啱好，係一個好正嘅開胃菜😋😋
2. 21天熟成厚切豬扒
呢個豬扒真係令人回味無窮。肉質非常鮮嫩，食落真係好滿足。豬扒嘅厚度啱啱好，外層煎得非常香口，每一啖都可以感受到肉嘅鮮味同埋汁水。另外，夾上個汁係用蘋果蓉+洛神花所製，點埋一齊食，好解油膩感。配菜都好好食，令整道菜品嘅味道更加豐富，尤其係佢個蒜頭，出面真係食唔返，勁正😋😋
3.特色卡邦尼意粉（臘肉及金華火腿）
唔好以為佢同普通卡邦尼一樣，佢最大特色係唔用堂肉，轉用臘肉同埋金華火腿，三者味道非常夾。意粉嘅口感好細緻，食落好有彈性，而臘肉同金華火腿嘅鹹香味增加左成個粉嘅層次。醬汁都好好味，最緊要係收汁收到岩岩好，冇晒多餘嘅汁，令成個味道更加實在，而且份量都啱啱好，食落夠晒滿足。
整體黎講，餐廳食物質素同水準非常高，而且坐得舒服，好岩同三五知己黎食
Post
