溫到1點幾，腦袋實得得，
係時候食個午餐、飲杯嘢，
為自己叉叉電，鬆一鬆。
朋友說附近有家不錯的咖啡店，
就在圖書館後面兩條街，好近。
遠看門面簡約素淨，
除了咖啡，仲有全日早餐、
沙律、意粉、漢堡、班戟、
窩夫等小吃。
店內清淡雅致，氣氛從容，
感覺舒服
枱上放有鮮花，生氣盎然。
餐具精緻而優雅
碟上圖案亦賞心悅目。
呷一口特濃咖啡
口腔內充斥著順滑酸香，
濃厚而舒服，回魂了。
朋友叫了一杯紅菜頭拿鐡，
顏色浪漫，拉花漂亮，
入口帶點玉桂香，
杯具花紋與顏色特別襯。
兩人叫咗素菜全日早餐，
加埋水煮蛋麵包一齊分享。
素菜全日早餐，材料新鮮豐富
有自家焗豆、炒蛋、多士、炒鮮磨菇、
大蘑菇、鷹嘴豆蓉、牛油果蓉、
沙律菜有羽衣甘藍、茴香、車厘茄、
迷你蘿蔔...等
自家焗豆內有黃豆和鷹嘴豆
鷹嘴豆蓉好特別，同麵包好夾，
牛油果蓉更好吃，好食又健康
大蘑菇多汁又入味
1
牛油果蓉蟹肉水煮蛋三文治
1
麵包上的料夠大堆頭，厚厚的牛油果蓉放上蟹肉，
量多又鮮美，好好食啊
切開蛋心流動好吸引
這個要上菜即吃，
否則麵包會變得濕潤。
最後怎能沒有甜品，
叫一個焙茶班戟2人分。
即製需時約二十分鐘，
食完主食才叫就剛剛好。
擺盤精緻美觀，顏色悅目
班戟顏色有點似抹茶，
上面放有白玉、紅豆蓉、焙茶雪糕和柑肉，
旁邊有新鮮水果和忌廉，
面頭更灑上玄米粒，增添口感。
班戟質感鬆軟濕潤，
焙茶味比較薄，
雪糕的焙茶就濃厚得多
白玉口感煙煙韌韌
紅豆蓉唔會過甜，好味。
新鮮無花果、草莓、藍莓好甜
有些藍莓切開一半，不會四處滾動
食埋甜品，完全活過來了，
可以繼續再衝啦
