Seasonal Clams + Bread in Josper Grill $197
1/2 US Lobster
Prime CAB Striploin 250g - In house dry aged 30 days
Szechuan Sauteed Veggies Assortment $46
Baby Potatoes on Charcoal Grill with Szechuan Sauce $50
Green Salad $41
難得假期去囍帖街行完街，就嚟咗呢間有熟成牛扒同生蠔嘅西餐廳食飯，每次搭lift一出來見到佢哋玻璃櫃入邊嘅牛，都會情不自禁貼上去睇。今次適逢紀念日，於是我哋比平時叫多咗嘢食。
餐廳話今次嘅生蠔都唔錯，於是我哋就叫咗法國嘅Fine de Claire & Speciale Daniel Sorlut, 法國生蠔普遍海鮮味都比較重，芬迪加係好多地方都會見到，佢嘅肉色帶淺色，肥度適中。食落去初頭鹹鹹地，之後咬落個質地就會帶甜而且彈性爽口。至於另一隻，就比較少見到，同樣肉質彈牙又有海水味，香甜而且有礦物味，法國嘅生蠔一直都係我首選，不過出面價錢略貴。所以係呢間餐廳食到新鮮又好味嘅法國蠔，仲有人開埋Serve 埋，呢個價錢其實抵玩。
我哋嘅第二主打，美國熟成牛，喺呢度全部都有製作日期，一啲都唔馬虎，餐廳認真對待每塊牛肉，所以出嚟嘅肉質同埋味道先至會咁好，黑蒜蛋黃醬配上微微焦香，真係要慢慢咀嚼細細品嚐。
今次我哋仲叫咗兩款海鮮，最令我驚喜嘅係佢哋嘅炒蜆，炒蜆嘅奶油汁，餐廳推介我地點左一個蒜蓉包，佢哋呢個炒蜆嘅醬汁真係非常好食，我哋食到舔舔脷，用麵包將所有嘅醬汁吃哂。而且蜆肉10分鮮嫩，炒得啱啱好。
我哋重點左半隻龍蝦，同埋加蝦，蝦肉實淨鮮嫩，龍蝦亦都保留左鮮味，好新鮮。正當我奇怪餐廳大部份食品都係焗製，原來佢哋有個嘅特別焗爐，用特別嘅原理可以保留所有食材嘅鮮味，而且將食物嘅味道發揮出高水準。怪不得所有食物一啲都唔覺得乾身，而且食物本身嘅味道仲更加強烈表達咗出嚟。
我哋仲點左一啲蔬菜類，有炒雜菜及薯仔，菜炒得好夠火喉，所以咬落去好Juicy 咋,青菜沙律酸酸地，可以幫助消化，完結我哋美好嘅一餐。
