Read full review
2018-06-11
2597 views
成日都諗住寫食評 但最尾太懶⋯今次終於的起心肝！ 男友訂左呢間餐廳慶祝生日， 最初見Openrice 話有$688 套餐 都覺得幾抵 搭𨋢去到1/F, 我見到個餐廳招牌 但個樣完全唔似意大利餐廳， 係一個食buffet 嘅地方 後來有個服務人員 見我頭望望 就帶我入去 原來要經過呢個食buffet (另一間餐廳） 先入到去呢間意大利餐廳 一坐低 就放低左會發光的menu ( 其實應該係紙 見到有個位佢㩒左一下就著燈） 我睇左陣A La Carte menu, 有個服務生過左黎， 佢話見我地係Openrice 訂座， 所以俾左個set menu ( $688 個個， 要另收加一） 我睇， 仲有另一個 $5xx per head 嘅set menu 我。 佢好細心， 逐樣野解釋俾我聽係個set 入邊包啲乜， 同埋食物嘅size。 佢$5xx 個個 其實有每人有一樣海鮮 同一樣肉類， 佢話因為用Openrice 訂 所以會有八折 （但要加返一啦）， 我粗略計下， 即係四百幾一位， 其實唔貴， 但男友話今日唔太餓， 所以叫左個$688 set. 一開始上左個面包， 佢好細心解釋個醬， 一個係有
男友訂左呢間餐廳慶祝生日， 最初見Openrice 話有$688 套餐 都覺得幾抵
搭𨋢去到1/F, 我見到個餐廳招牌 但個樣完全唔似意大利餐廳， 係一個食buffet 嘅地方
後來有個服務人員 見我頭望望 就帶我入去
原來要經過呢個食buffet (另一間餐廳） 先入到去呢間意大利餐廳
一坐低 就放低左會發光的menu ( 其實應該係紙 見到有個位佢㩒左一下就著燈）
我睇左陣A La Carte menu, 有個服務生過左黎， 佢話見我地係Openrice 訂座， 所以俾左個set menu ( $688 個個， 要另收加一） 我睇， 仲有另一個 $5xx per head 嘅set menu 我。
佢好細心， 逐樣野解釋俾我聽係個set 入邊包啲乜， 同埋食物嘅size。 佢$5xx 個個 其實有每人有一樣海鮮 同一樣肉類， 佢話因為用Openrice 訂 所以會有八折 （但要加返一啦）， 我粗略計下， 即係四百幾一位， 其實唔貴， 但男友話今日唔太餓， 所以叫左個$688 set.
一開始上左個面包， 佢好細心解釋個醬， 一個係有燈籠椒（？唔太記得🤭） 加蕃茄加欖橄油， 另一個係普通黑醋。 個面包上時係暖暖的， 個蕃茄醬令我好有驚喜， 好食。
再上係個cold cut拼盤， 有牛又有豬， 面包條上有個係三文魚， 仲有龍蝦肉， 玻璃瓶內有蕃茄橄欖等等， 好豐盛。 食完 服務生仲好細心問我地覺得點， 佢話有唔少人都比較抗拒生野， 我又覺得幾好。
再上就係是日餐湯， 今日係蘆筍湯， 都幾好味。
然後就上主菜， 有carbonara 同西冷。 個carbonara唔錯， 但我個人覺得鹹左少少， 男友就覺得冇乜問題。 個西冷叫左medium , 但食嘅時候覺得可能叫medium rare 會「冧」啲， 中間個醬沖係牛油， 配菜有蘆筍同薯條， 兩樣都好味。
其實食到主菜， 未食哂都飽飽地， 個set本身包左兩份tiramisu, 但我見食評話apple crumble 好食, 所以一開始落order 時已經叫埋apple crumble （ 連個服務生知道我叫完set仲要apple crumble , 佢都嚇一嚇， 一再提我個set 有兩份tiramisu, 但我都仲不顧一切咁叫左🤣🤣)
可能男友訂枱時有講明係慶生， 所以呈上個apple crumble 時， 上面有寫埋我個名同happy birthday. 個apple crumble 都真係唔錯。 但其實最令我驚喜係個tiramisu, 好多時tiramisu 都係普普通通， 唔知係我冇expectation 定點， 我同男友都表示出奇地好好食， 而且個portion 都唔少。
到後尾埋單， 佢仲幫我分單計， 佢話因為個set 冇得再折， 但我apple crumble 就八折左俾我（同冇加一）
成餐飯， 其實最令我滿意係佢服務好好，差唔多每一道菜佢都會問我地覺得點， 斟水又夠勤快，又夠細心去解釋。（特別可能今日星期一， 人唔算太多。 ）真係要講， 美中不足， 可能係佢個位置唔係咩望海景， 得馬路景唔夠靚。 但整體係好高CP同令人愉快的一餐😛
69 views
0 likes
0 comments
Cold cut
66 views
0 likes
0 comments
Cold cut
70 views
0 likes
0 comments
Cold cut
54 views
0 likes
0 comments
蘆筍湯
39 views
0 likes
0 comments
Carbonara
52 views
0 likes
0 comments
西冷
37 views
0 likes
0 comments
Tiramisu
37 views
0 likes
0 comments
Apple crumble
49 views
0 likes
0 comments
Post
