今次得兩個人食，怕眼闊肚窄，淨係叫左兩樣野，分別係半半炸雞、醬油魚介湯鍋🤨再叫左杯生啤（食炸雞必飲🍺）
🤡半半炸雞(黃金蒜香味+大邱辣醬味)
碟雞上到枱仲係熱辣辣，新鮮即炸，炸雞面頭有足夠嘅醬汁，十分入味！而且面頭有好多蒜片，啱曬啲好中意食蒜嘅人😍至於辣醬我地叫左小辣，對於我地呢啲唔食得辣嘅人黎講都入到口！一啖炸雞一啖生啤！正🥳除咗雞之外 仲包埋即炸嘅薯條，簡直無得頂💯
🤡醬油魚介湯鍋
有爐跟埋一路食一路加熱，唔洗講擺耐左會凍曬🤨一鍋大慨10串魚糕左右，每串都係唔同形狀，夠曬我地兩個人嘅份量😍加埋個辛辣麵！食到個肚腩凸曬出黎🤰🏻
總括而言，食物嘅質素同埋價錢都十分令人滿意，性價比高，不過強烈建議多啲人一齊食，咁先試到多啲野食～
