名館 (Closed)

出面個皮好薄好軟熟，入面包左cream同榴槤，好滑好香，甜度o岩o岩好!比較辣但好惹味，螺好有彈性好新鮮，完全無沙洗得好乾淨。咸咸地好香，一邊係肉另一邊好似啫喱既口感，點埋啲醋酸酸地，好夾，一啲油膩感都無。柚子醬好香，蝦炸到好脆好彈呀，加埋一齊食感覺好新鮮。佢連菊花都可以食落肚，好嫩一啲都唔老，唔太甜，菊花味幾重，凍凍地入落口好舒服。個皮燒到好脆，基本上無咩脂肪。肉質比較實，鴿味重，好新鮮好好味。個湯係超級好飲，飲落就係燙左好奈既雞湯，雖然用左成隻雞尼煲但係佢好啲都唔油，個湯煲到好清。啲湯料好林，而且唔會煲到無味，由湯至湯料都好好味，真係第一次。