鮨月 (Closed)

這間舖坐落於灣仔嘅一條比較偏僻嘅街道，雖然如此，但卻俾人有一個隱世小店ke感覺，今日我就同我朋友嚟呢度試吓佢哋嘅廚師發辦嘅菜式。首先第一道菜式係曹以配上鮟鱇魚肝，曹以肉質結實脆口，魚味則較清淡，做頭盤非常合適。而鮟鱇魚肝就豐潤肥美，口感细腻，味道甘香，不會比鵝肝遜色。蟹仔都係用新鮮嘅蟹仔，即炸即食，非常脆口鮮甜！第二道係北海道厚岸蠔，味道比較温和，淡淡的金屬味和海水味，肉質肥美，口感Creamy，更能突顯它的鮮甜，散發岀濃濃蠔香，留於齒頰間久久不散。第三道係燒白鱔，店舖所揀ke白鱔非常肥美，外皮燒得香脆，但內裏能保持到白鱔的油香及肉質ke鮮嫩。第四道係 酒煮蛤，所煮的蛤好新鮮，大大隻，經清酒煮過之後，味道更加清甜，一試難忘。最後，有新鮮的富有柿作甜品，非常圓滿。係一間好值得推介俾大家嘅餐廳！