Read full review
2021-08-25
40 views
平日去中環多數都係去cafe，今日就試下唔同嘅口味，去食漢堡包。由於唔係好肚餓嘅關係，我同朋友叫咗兩個包然後其中一個upgrade套餐share食。雖然鋪仔細細，但係餐廳服務非常之好，order 之後會畀個牌我哋，等店員準備好之後就會拎嚟畀我哋食。餐廳仲提供唔同口味嘅醬隨大家調配。朋友就叫咗個魚柳漢堡，魚柳炸得非常香脆，而且比某大牌子嘅魚柳大塊同實淨，仲加咗豐富同健康嘅配菜。我就叫咗一個牛肉漢堡，同樣地有唔少配菜，但係最深得我歡心嘅，係佢juicy嘅牛扒，食落去啖啖肉。個包鬆軟之餘有少少烘底，睇得出餐廳嘅心思。最近迷上咗睇Cooking with Paris，見到佢哋食洋蔥圈我都心思思，所以今次冇叫薯條，改食洋蔥圈，脆得嚟甜甜地，又唔會有太多炸粉，絕對係薯條以外嘅一個好選擇。食咗咁多熱氣嘢，我哋就叫咗罐椰水做餐飲下一下火。
由於唔係好肚餓嘅關係，我同朋友叫咗兩個包然後其中一個upgrade套餐share食。
雖然鋪仔細細，但係餐廳服務非常之好，order 之後會畀個牌我哋，等店員準備好之後就會拎嚟畀我哋食。餐廳仲提供唔同口味嘅醬隨大家調配。
朋友就叫咗個魚柳漢堡，魚柳炸得非常香脆，而且比某大牌子嘅魚柳大塊同實淨，仲加咗豐富同健康嘅配菜。
我就叫咗一個牛肉漢堡，同樣地有唔少配菜，但係最深得我歡心嘅，係佢juicy嘅牛扒，食落去啖啖肉。個包鬆軟之餘有少少烘底，睇得出餐廳嘅心思。
最近迷上咗睇Cooking with Paris，見到佢哋食洋蔥圈我都心思思，所以今次冇叫薯條，改食洋蔥圈，脆得嚟甜甜地，又唔會有太多炸粉，絕對係薯條以外嘅一個好選擇。
食咗咁多熱氣嘢，我哋就叫咗罐椰水做餐飲下一下火。
Post
