蠔皇原隻十頭鮑魚酥 (原價 $68，特價 $34; 兩隻起)
真係唔買傳統麵包鋪賣嗰啲鮑魚形嘅所謂鮑魚酥，而真係有隻十頭鮑魚喺上面😱 煮得好腍好入味，中間裝住超軟熟豬肉粒，超級鬆化酥皮墊底，真係值回票價。
星海蝦餃皇（特點 $50）
新鮮熱辣皮薄餡靚蝦肉彈牙，完全冇投訴！
翡翠原蝦北菇燒賣皇（特點 $50）
蝦餃咁正，即刻追加個燒賣！燒賣本體應該將蝦肉全部打成蝦膠，同豬肉融為一體，口感依然彈牙，十分勁揪！
脆皮吉列沙律海皇卷（大點 $44）
喺menu見到個有相嘅本期推介沙律海皇卷。真係唔好怪我又叫多次又蝦嘅嘢食，蝦肉加蟹柳同小朋友最愛嘅雜果沙律，加上有爆漿效果嘅蛋黃醬，極度邪惡！
鮮准山蟹柳棉花雞 （大點 $44）
食完個香口嘅沙律卷，係時候清淡返少少。大件超滑蒸雞肉加巨無霸級大片魚肚墊底（鋪滿晒成個碟！）足料到爆！
金瑤翡翠蛋白炒飯 （$138)
鮮、香、鑊氣！超級大碟，兩個人完全食唔曬，打包返office當埋今晚晚餐🤣 落瑤柱絲一啲都唔手軟，連剁碎嘅菜頭都係甜嘅。
話咁快下個月就中秋節，老best 話腦細叫佢諗埋條team去邊度食飯🤔見early bird 落訂最多減 $1000-$1200 ，或者叫盆菜外賣外（自取都得），輕鬆幫佢搞掂埋呢個社畜聯誼任務！只要有好西食，焗住同腦細高層social 都舒服晒！
茶位$18/位；餐前小食一碟（1-4位）共 $18
