八木橋日式燒肉

Open Now

Now Closed

今次同朋友一齊嚟試呢間A4和牛嘅燒肉放題，午市仲有買一送一優惠，真係超抵，性價比極高。套餐限時120分鐘，絕對夠時間慢慢燒慢慢歎。食物選擇超過110款，牛肉方面最搶眼一定係A4等級嘅和牛，油花分佈平均，入口即溶。推介佢哋嘅「岩手和牛三角腩」同「岩手和牛肩胛肉」，燒完外層微脆，內裡肉汁豐富，牛香四溢。仲有「香蔥薄切和牛」都好好，薄薄地好快就熟，入口溶化。除咗牛肉，仲有鮑魚、蠔、比目魚西京燒等海鮮選擇。鮑魚新鮮彈牙。比目魚西京燒外層微焦，帶有甜甜味噌香，魚肉嫩滑無腥味，鹹甜平衡得宜入口即溶，值得一試！韓風醬油牛肋肉真係好正，牛味濃郁又唔會太鹹，燒完啖啖肉汁，帶少少甜味，愈食愈開胃。好大條好厚肉，咬落去好滿足，醬汁入晒味，配生菜一齊食就更加正！炸物幾有驚喜，天婦羅蝦一咬落去脆卜卜，蝦肉彈牙唔會淋晒。蟹柳外層炸得香，入面又唔會乾。春卷外皮酥脆，熱辣辣食正。