Chatterbox Café (K11 Musea)

Open Now

Now Closed

客人放假出尖沙咀辦証件，咁啱我冇約人食晏，於是順便約咗去K11 museum 食個午餐。知道朋友鍾意食海南雞飯，特意訂咗呢間新加坡餐廳試下。K11 Musea 位B1樓，沿尖東站J出口進入K11然後落一層就不難發現。環境座位舒服，設有不少卡座，地板鋪上懷舊小磚，甚有特色。餐廳除海南雞飯、各款喇沙、亦有白胡椒肉骨茶及咖喱薄餅，睇見樣樣都想食。《文華海南雞飯》（$133），目測足有半隻雞份量，黃油皮十分靚，配有油飯、湯及三款不同醬汁，雞肉入口嫰滑有肉香，油飯軟硬適中，果然十分高質。《招牌大蝦喇沙》（$173），獨特濃郁喇沙味道，加埋超大隻大𧎚，每一條粉都吸收了喇沙，十分美味。記得要趁熱食吖。餐飲《美祿恐龍》加$16，《凍檸茶》加$8。設有加一服務費。享受了十分滿足的午餐。