無意中喺灣仔搵到一間高質嘅日式餐廳
原先諗住去食法國餐
點知餐廳原來禮拜一係唔開門嘅
緣份巧合下
就去咗樓上嘅呢一間Jan Jan串揚專門店
最近呢個大廈都做緊少少維修
所以基本上喺街度睇唔到個招牌
但作為美食嘅發掘者
幾咁捐窿捐罅都冇問題！🤩
呢度嘅lunch set都幾抵食
百零蚊就有一個全套嘅定食套餐
包晒飲品，前菜，沙律，漬物
喺灣仔區嚟講絕對係性價比好高
餐牌上面好多串揚(即係串炸)嘅套餐
呢種食物來自關西
不過餐牌上有另一個套餐更加吸引我
入邊有炸鮭魚刺身定食
將厚切刺身級別三文魚脆炸
配埋個特色他他醬
真係滋味無窮
佢個擺設都好適合打卡
同埋每舊三文魚都好厚肉
加上用咗刺身級別
就算佢入邊係生嘅都唔使擔心
俾大家睇吓佢個set係好靚
好適合女仔打卡🥰😍🥰
1
套餐入邊嘅食物係蓮藕漬
驚喜地咁好食😋
飲品方面我點咗咖啡
以我哋發現佢哋得三合一
呢個就爭少少扣咗啲分
另外佢哋個餐牌可以喺午市時間
以$20一串或者$29兩串追加特色串燒同串炸
我見到當日都好多食客追加
非常適合大食嘅朋友呀！
