Read full review
2019-06-21
301 views
今日去左試呢間位於觀塘嘅西餐廳, 呢間餐廳 離地鐵站都幾近, 喺正apm隔黎。可能唔係地鋪嘅關係, 夜晚7點鐘左右去到都唔洗等位。今次就叫左餐湯+小食+主菜每樣一款黎試下。餐湯揀左蟹肉龍蝦湯。呢到嘅龍蝦湯味道比較淡, 龍蝦味唔算突出, 蟹肉亦都帶唔出個鮮味, 唯一值得一讚嘅係蟹肉都幾足料, 成碗湯嘅 整體評價我會俾中下, 有進步空間!小食就係焗薯皮。一客焗薯皮有四大舊, 每舊嘅topping都鋪到密密麻麻, 焗到好香口之餘仲唔會熱氣, 就算一個人食哂成碟都唔會覺得滯。美中不足嘅係隨碟嘅酸忌廉唔係好掛到上舊薯皮到, 就算點哂成舊都好似冇點過咁, 但就咁食都好夠味同好好食!成晚嘅精髓就係主菜 - 威寧頓牛柳。威寧頓牛柳喺坊間嘅餐廳都比較少見, 所以今次就揀左黎試一試。 侍應會問你想要幾多成熟, 我就揀左Medium。一切落去feel到舊牛柳好腍, 酥皮亦都冇散到, 咬落去仲要啖啖肉汁, 絕對係一舊高質嘅Beef Wellington。 薯條份量都好多, 但略嫌炸得硬左少少, 沙律應該係淋左啲橄欖油喺面, 食落好fresh, 亦都中和左薯條嘅熱氣!總括黎講, 湯比較失色, 但小食同Main
蟹肉龍蝦湯
$68
62 views
0 likes
0 comments
餐湯揀左蟹肉龍蝦湯。呢到嘅龍蝦湯味道比較淡, 龍蝦味唔算突出, 蟹肉亦都帶唔出個鮮味, 唯一值得一讚嘅係蟹肉都幾足料, 成碗湯嘅 整體評價我會俾中下, 有進步空間!
焗薯皮
$68
45 views
0 likes
0 comments
小食就係焗薯皮。一客焗薯皮有四大舊, 每舊嘅topping都鋪到密密麻麻, 焗到好香口之餘仲唔會熱氣, 就算一個人食哂成碟都唔會覺得滯。美中不足嘅係隨碟嘅酸忌廉唔係好掛到上舊薯皮到, 就算點哂成舊都好似冇點過咁, 但就咁食都好夠味同好好食!
美國威寧頓牛柳
$298
31 views
0 likes
0 comments
美國威寧頓牛柳
$298
41 views
0 likes
0 comments
總括黎講, 湯比較失色, 但小食同Main Course都係好高質, 由其係個威寧頓牛柳, 下次一定會再黎, 試下其他野食!
Post
