餐廳環境好闊落，牆上有顯示和牛識別番號，可以知邊和牛既來源同背景，保證和牛來自日本。
放題套餐有A至F餐，最後我地揀左套餐D，包活頭盤黑毛和牛同海鮮3款(原隻大魷魚🦑、青口、蝦)。頭盤有和牛牛筋肉、和牛肉眼、和牛里脊肉、一口牛，和牛紋理清淅，油脂豐富，口感幼嫩多汁，牛味濃郁。
除左和牛之外其他既肉類味道都唔錯，有豚肉、雞肉、牛肉刺身、炸物、野菜等等。强烈推薦點烤蠔同帆立貝，大大粒好肥美，味道鮮甜爽口。
自助區有沙律吧、飲品吧同埋甜品吧，有3個吧。沙律吧入面所有配菜都用蓋蓋好，衛生乾淨；甜品選擇多，有提拉米蘇、芒果布甸等；雪糕雪條選擇都好多，大滿足。
🔎和牛燒肉一郎 (百誠大廈) (佐敦)
📍佐敦佐敦道31-37號百誠大廈3樓
