Read full review
2021-05-27
87 views
又到銅鑼灣Fashion Walk試新餐廳啦，呢度位置方便仲有好多餐廳。今次黎試嘅天天海南雞飯係米芝蓮推介，又係新加坡嘅過江龍。有排都未有得去旅行，我同朋友都想食下新加坡菜懷念下。室內燈光比較暗，但座位好闊，一啲都唔逼。Menu有好多菜式選擇，好吸引，選擇困難症嘅關係就揀左超值二人套餐，句埋湯、小菜、飯同甜品。▶️涼瓜鳳梨🍍湯落足料，啖啖肉同瓜。本身都擔心有涼瓜會苦，但其實非常清甜，可能係鳳梨中和左。雖然落左肉，但湯又唔會油，好想要多碗encore ！▶️脆爽海蜇🥬好開胃同好清新嘅前菜，味道岩岩好。用左海蜇頭，真係爽脆又大舊，而啲芥蘭馬蹄都係非常爽甜▶️辣子金玉🌽非常香，粟米上面蓋滿哂爆香左嘅乾辣椒，配搭著粟米，中和左啲辣味，好惹味，啲乾辣椒仲可以用黎送飯🍚▶️天天海南雞+石鍋雞油飯啲雞好嫩滑，有好重嘅雞味，雞皮又唔會太肥，而且係無骨嘅。而雞油飯非常香，粒粒飯同係金黃色。佢地用個石鍋裝著嘅飯，份量超大，兩個人都係勉強清哂，好飽▶️花好月圓其實就係豆腐花，唔似香港嘅豆腐花係自己加糖，佢地已經調左糖。不過我就覺得太甜，但係佢整到非常滑，作為飯後甜品岩岩好整體價格較高，但環境舒服，新加坡菜都有地道風味
▶️涼瓜鳳梨🍍
湯落足料，啖啖肉同瓜。本身都擔心有涼瓜會苦，但其實非常清甜，可能係鳳梨中和左。雖然落左肉，但湯又唔會油，好想要多碗encore ！
▶️脆爽海蜇🥬
好開胃同好清新嘅前菜，味道岩岩好。用左海蜇頭，真係爽脆又大舊，而啲芥蘭馬蹄都係非常爽甜
▶️辣子金玉🌽
非常香，粟米上面蓋滿哂爆香左嘅乾辣椒，配搭著粟米，中和左啲辣味，好惹味，啲乾辣椒仲可以用黎送飯🍚
▶️天天海南雞+石鍋雞油飯
啲雞好嫩滑，有好重嘅雞味，雞皮又唔會太肥，而且係無骨嘅。而雞油飯非常香，粒粒飯同係金黃色。佢地用個石鍋裝著嘅飯，份量超大，兩個人都係勉強清哂，好飽
▶️花好月圓
其實就係豆腐花，唔似香港嘅豆腐花係自己加糖，佢地已經調左糖。不過我就覺得太甜，但係佢整到非常滑，作為飯後甜品岩岩好
整體價格較高，但環境舒服，新加坡菜都有地道風味，食物質素唔錯，如果想搵個地方靜靜坐，食嘢飲嘢，呢度都係個唔錯嘅選擇。
Post
