Kampoeng

Open Now

Now Closed

同A姐喺IKEA買咗啲家庭用品，臨返屋企前去埋Kampoeng買蝦片先得！平時嚟Kampoeng主要係星期日，所以次次都係同成班印尼朋友一齊迫住買佢好出名嘅蝦片，但原來嚟咗咁多次，今次平日嚟到，先驚現原來下層係餐廳嚟架！所以行到好攰嘅我哋，決定入去食埋晚餐再返屋企啦。今日我哋唔想煩食咩，所以就叫咗個二人餐，湯、小食、菜同飲品都有齊，夠抵食。冬陰功湯一人一碗嘅冬陰功湯，鍾意重口味嘅人就未必啱喇，但我哋就覺得呢個酸辣味好啱我哋，唔會太濃。小食拼盤小食拼盤有炸蠔、炸蝦餅同春卷。點上泰式辣醬嘅蝦餅，味道一流！但最正當然係佢個蝦片啦！蝦片好脆，食完呢餐都係要買番包返屋企。蝦醬通菜通菜炒得夠鑊氣，熱辣辣！而蝦醬當然係個靈魂，好香濃呀！海南雞三款醬汁配上海南雞，雞肉夠嫩滑，唔會話太肥膩，如果可以去埋骨就好喇。印尼炒飯炒飯用上雞粒，仲有預先炒香咗嘅洋蔥粒，口感一流。味道唔錯，但就略嫌炒飯唔夠鑊氣。