點饌 (Closed)

之前有朋友介紹依一間點心店，聽講個廚師是迪迪尼的前大廚，而特別之處是晚上都會營業。今晚放工終於去左試一試，果然無介紹錯，點心店是位於沙田石門京瑞廣場2樓的一間小店。我們去到個陣係夜晚8點，店內環境開揚，空間十足。我地兩個人叫左6樣點心，分別是彩雲蝦餃，鮑魚燒賣，Xo醬蒸鳳瓜，冬菇蒸雞飯，Wasabi炸雲吞和蜜糖炸雞翼，仲有一杯洛神玫瑰茉莉花茶。彩雲蝦餃係這店子既重點推介，蝦餃外表精緻，皮薄涵靚，鮮蝦份量十足，食完仲想叫多一碟。鮑魚燒賣一籠兩件，鮑魚尚算大粒，燒賣非常足料，每一口都充滿鮮蝦和豬肉。Xo醬蒸鳳瓜無敵配搭，一籠大約有5-6鳳瓜，即叫即蒸。冬菇蒸雞飯亦是推介之一，雞件又多又大份，而且雞肉肉汁鮮美，夾埋個飯一齊好好食。wasabi炸雲吞亦都是重點推介，估唔到咁好食，外脆內軟，蝦加wasabi好有創意，味道亦異常地咁夾，推介推介。最後蜜糖炸雞翼亦都好好食，蜜糖不會太甜，夾埋雞翼味道岩岩好。最後埋單食左220。我覺得cp值都算高，而且食物質素非常高，環境衛生非常好，值得推介。