一鼎‧台式火鍋 (MOSTown新港城中心(4期))

Open Now

Now Closed

馬鞍山一鼎台式火鍋，唔單止係火鍋，佢外面仲有埋外賣台式飲品。我同老公揀左120分鐘任食澳洲200日穀飼牛火鍋餐，掃描重有好多選擇 ，牛羊豬雞、台式小食 、手搖飲品 、海鮮等等。自助區有:醬料、蔬菜、丸類、雪糕、飮品。我更愛糖水，入口暖暖好味又滋潤。一人一鍋揀左兩個湯底紅燒火牛湯底係有少少辣，所以灼牛肉好正。燻鰹魚湯嘅鰹魚，味道濃郁都幾香。肉類有指示灼幾多秒，所以食嘅時候，點都唔會鞋颯颯，我比較鍾意澳洲純和牛，夠厚身有肉味。海鮮嘅生蠔同蝦都好新鮮。香水爆檸真係爆檸，好多檸檬又清新，勁好飲。百香果三重奏飲落清爽唔太甜，每口都飲到椰果粒。食飽之後出門口記得仲可以夾一次公仔 ，我夾到飲品卷。