印尼沙爹屋

Open Now

Now Closed

今日經過筲箕灣東大街附近，見到呢間印尼沙嗲屋門口大排長龍，於是就心郁郁想試吓佢嘅串燒。排咗大約15分鐘，終於到我落單，叫咗一份牛肉串燒（$12一串），一份雞肉串燒（$12一串），同一份豬頸肉串燒（$20一串），加辣辣沙嗲汁！之後再等左15分鐘，終於燒好咗我嘅串燒啦。串燒果然冇令我失望，沙嗲汁夠香夠辣，仲唔會孤塞，比勁多沙爹汁我！豬頸肉燒得啱啱好，夠晒彈牙！牛肉亦都唔韌，唔怪得知咁多人願意排長龍去食呢度嘅串燒啦！