23
0
0
Level4
107
0
堅尼地城最近開咗見別具特色嘅小店。老闆娘係香港人(真心好靚女好有氣質),同尼泊爾夫君一齊開檔賣尼泊爾特色小食Momo。Momo(又稱饃饃)係一種源自自西藏嘅麵食,亦見於尼泊爾、不丹同印度等喜馬拉雅山地區,外形好似水餃同小籠包咁。中式水餃就食得多,尼泊爾饃饃你又食過未?店內裝潢以黃色同藍色為主,店主好有心機擺放小裝飾,僅有嘅2張檯仔上膠板內放曬店內所用材料,模擬尼泊爾當地街頭嘅車仔。本人最欣賞尼泊爾特色嘅彩色凳,令我想起小時候嘅粉筆畫作,心情都愉悅起來。招牌爆汁雞肉餡煎餃momo($30/5隻)可以叫5隻或8隻,味道有油香得嚟配合雞肉嘅鮮嫩,加上點點香料同花生醬汁,好開胃。香煎薯仔煎餃($30/5隻)呢個就有點普通,真係薯仔粒加香料。如果有男仔的話,建議叫多一份招牌餃子(蒸/煎也可按個人喜好選擇)。喜歡濃味嘅朋友應該會比較buy豬肉餃,而喜歡清淡口味的,就會認為雞肉餡比較討好。個人推介:爆汁薯仔香脆波波($40/8個)呢個係一個充滿玩味嘅小食。現成嘅脆波波篤開小口,放咗薯仔沙律、一點乳酪同幾粒紅石榴作點綴,食之前擠點店內特色的酸汁至差不多滿瀉,然後拎起一粒放入口中,讓汁液同食材融入味蕾,
Read full review
堅尼地城最近開咗見別具特色嘅小店。老闆娘係香港人(真心好靚女好有氣質),同尼泊爾夫君一齊開檔賣尼泊爾特色小食Momo。Momo(又稱饃饃)係一種源自自西藏嘅麵食,亦見於尼泊爾、不丹同印度等喜馬拉雅山地區,外形好似水餃同小籠包咁。中式水餃就食得多,尼泊爾饃饃你又食過未?
33 views
0 likes
0 comments
店內裝潢以黃色同藍色為主,店主好有心機擺放小裝飾,僅有嘅2張檯仔上膠板內放曬店內所用材料,模擬尼泊爾當地街頭嘅車仔。
36 views
0 likes
0 comments
本人最欣賞尼泊爾特色嘅彩色凳,令我想起小時候嘅粉筆畫作,心情都愉悅起來。
63 views
0 likes
0 comments
招牌爆汁雞肉餡煎餃momo($30/5隻)可以叫5隻或8隻,味道有油香得嚟配合雞肉嘅鮮嫩,加上點點香料同花生醬汁,好開胃。
58 views
0 likes
0 comments
香煎薯仔煎餃($30/5隻)呢個就有點普通,真係薯仔粒加香料。
41 views
0 likes
0 comments
如果有男仔的話,建議叫多一份招牌餃子(蒸/煎也可按個人喜好選擇)。喜歡濃味嘅朋友應該會比較buy豬肉餃,而喜歡清淡口味的,就會認為雞肉餡比較討好。
49 views
1 likes
0 comments
個人推介:爆汁薯仔香脆波波($40/8個)呢個係一個充滿玩味嘅小食。現成嘅脆波波篤開小口,放咗薯仔沙律、一點乳酪同幾粒紅石榴作點綴,食之前擠點店內特色的酸汁至差不多滿瀉,然後拎起一粒放入口中,讓汁液同食材融入味蕾,口感非常清新同特別,有趣有趣!
27 views
0 likes
0 comments
黃金牛奶($30)加入薑黃肉桂味的牛奶,價錢少貴,但真心香濃足料。冬天女孩子飲用對緩解經痛有幫助哦!
24 views
0 likes
0 comments
Masala Chai($30 )姐係Chai Tea Latte,味道不過不失,重點係夠熱!
店內雖然只有夫妻二人,但從食物價錢、服務態度、裝潢、食物嘅平實感嚟講都非常討好,非常配合堅尼地城人文氣息,動靜皆宜,多元文化和諧共存,希望呢間有心嘅小店長做長有,讓堅尼地城豐富嘅色彩得以保存。
23 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Spending Per Head
$60
Recommended Dishes
  • 紅石榴乳酪薯仔波波