今次我就叫左碗大理米線 $45，有蕃茄 豬肉 金針菇 茶樹菇 牛肝菌 芽菜 甜酸菜同生菜，我另外加左份豬軟骨 $9，份量都唔少。
講翻味道先，我本身好中意食菇類，所以今次嘅評價就比較主觀。因為落左好多種菇落去煮，個湯底真係極鮮甜，飲得出少少豬骨味同各種菇味，開心過飲忌廉蘑菇湯。重點推介下佢個茶樹菇同牛肝菌，乾貨嘅佢地大家可能見得多，新鮮嘅應該無咩鋪頭會有得賣，不過今次有驚喜。
新鮮茶樹菇嘅入面吸滿左湯，口感上似比較有咬口嘅白玉菇，亦都比較有菇味。而牛肝菌嘅菌柄比較脆身，其餘部分滑身，比較軟，整體上餸嘅份量多，好好食，會瘋狂encore嘅程度😋😋😋
