Haidilao Hot Pot (Kowloon Building)

海底撈係大陸就食過，眾所周知海底撈食物質素係無太大驚喜，重點係在於貼心的服務質素。

雖然香港海底撈都開左好耐，但一直都無機會試，咁岩有2個朋友都有興趣一齊去食，就睇下服務同食物質素同大陸有無分別先。

當晚一早大約6點到，其實早3日前已經打電話訂枱，但去現場職員搵唔返我地既訂位紀錄，好彩當時亦未有人等位，所以好快都安排到入座。

1

四格湯底

湯底揀左4格，決定1人揀1款湯底: 蕃茄湯、清油麻辣、菌湯，清水免費。 蕃茄湯同菌湯雖然都係揀左最濃味，但仍然比大陸分店味道較淡。

鵪鶉蛋（半）

$26

鵪鶉蛋味道正常，蛋味香濃，份量十足!

手切牛肉（半）

$94

牛肉顔色望落都算新鮮，肥瘦適中，淥完都唔會太韌，不過略厭牛味不足。

羊肉卷（半）

$49

羊肉卷有驚喜，入口肉質嫩滑，羊肉騷味唔算太重。

翡翠墨魚滑（半）

$69

翡翠墨魚滑有驚喜，上碟外形好特別，翠綠色樹葉造型，入口彈牙，墨魚味重。

活蝦新鮮，上枱個陣仲見到D蝦腳仲識郁，服務員仲會主動幫手剝埋蝦，岩曬我地平時想食蝦，但懶得剝既人(^-^)～

魚皮餃（半）

$24

紅薯條

$28

其他配料食落無太大特別之處，就唔逐一介紹了。

紅糖糍粑（半）

$24

炸饅頭

$18

甜品我地叫左紅糖糍粑同炸饅頭，紅糖糍粑煙煙韌韌，食之前點少少黑糖漿，感覺養生又唔太甜。炸饅頭反而要等得比較耐，食落都熱辣辣，但唔太夠脆。所以我個人推薦紅糖糍粑，外面少有，夠特別又好味。

3個人埋單連加一服務費$719，雖然我地大部份既配料都係叫半份，但價錢都係比較貴，服務都唔錯，都會主動幫我地斟野飲，可以下次再黎食過。