Video
Read full review
2018-10-17
641 views
大排檔、鑊氣小炒、各式各樣嘅小菜，係我哋香港飲食嘅代表，亦都係我哋香港成為美食天堂呢個美譽嘅其中重要一環。今日放咗學之後，就係食咗呢間極具富有香港特色嘅餐廳，值得關注嘅唔止係當中嘅美食，更加係入邊蘊含嘅情意結。一見到門口派長已經非常利害，金色既龍與鳳展現出超凡嘅氣派，再加埋門口嘅大招牌，可謂氣勢磅礡。入到去之後內裏環境非常充滿香港本土特色，以香港獨有嘅街市作為環境，內裏有魚檔，水果檔，豬肉檔，極具親切感。我今次叫咗三樣嘢食，分別係：屋村三鮮、黑松露鮮蝦多士、黃金海中蝦，依家就等我同大家介紹下啦～屋村三鮮：豬生腸、鴨腎、墨魚作為當中嘅代表，食落口感覺非常清爽，亦不失彈牙口感。一般起街食到嘅打冷到嘅都會感覺到好污糟同埋好唔新鮮，食落口更加有一種洗唔乾淨嘅怪味；但係，呢間餐廳嘅屋村三鮮絕對冇呢個情況，食落口非常新鮮鮮嫩，清爽為主既打冷更加帶着甜味，朱生腸條條分明肉滑，鴨腎大粒得來咬落口脆得來不失爽口，墨魚有就嚼勁。餐廳配置嘅甜醬同埋黃芥末醬汁，唔會有過份嗆候嘅感覺，食落口非常舒服，口感清新。黑松露鮮蝦多士：呢度菜式非常驚喜，內裏嘅蝦非常大隻非常分明，食落口淡淡都有口感，淡淡都置身海洋一般，淡
一見到門口派長已經非常利害，金色既龍與鳳展現出超凡嘅氣派，再加埋門口嘅大招牌，可謂氣勢磅礡。入到去之後內裏環境非常充滿香港本土特色，以香港獨有嘅街市作為環境，內裏有魚檔，水果檔，豬肉檔，極具親切感。
我今次叫咗三樣嘢食，分別係：屋村三鮮、黑松露鮮蝦多士、黃金海中蝦，依家就等我同大家介紹下啦～
屋村三鮮
$78
61 views
0 likes
0 comments
屋村三鮮：豬生腸、鴨腎、墨魚作為當中嘅代表，食落口感覺非常清爽，亦不失彈牙口感。一般起街食到嘅打冷到嘅都會感覺到好污糟同埋好唔新鮮，食落口更加有一種洗唔乾淨嘅怪味；但係，呢間餐廳嘅屋村三鮮絕對冇呢個情況，食落口非常新鮮鮮嫩，清爽為主既打冷更加帶着甜味，朱生腸條條分明肉滑，鴨腎大粒得來咬落口脆得來不失爽口，墨魚有就嚼勁。餐廳配置嘅甜醬同埋黃芥末醬汁，唔會有過份嗆候嘅感覺，食落口非常舒服，口感清新。
黑松露鮮蝦多士
$68
93 views
0 likes
0 comments
黑松露鮮蝦多士：呢度菜式非常驚喜，內裏嘅蝦非常大隻非常分明，食落口淡淡都有口感，淡淡都置身海洋一般，淡淡都非常新鮮。多士底烘得非常香脆，厚度適中，亦唔會覺得硬，非常容易入口。更加不得不提嘅就係主角：黑松露，加上左之後即刻高級左10倍，食落口香氣洋溢，一試傾心啊。蝦既彈牙鮮甜、多士嘅香脆可口、黑松露嘅高級香氣，再加埋餐廳搭配嘅醬汁，食落口的確係一大享受最重要嘅就係雖然呢道菜係煎炸嘅菜式，但係一啲都唔會覺得有過分嘅油膩，值得一讚。
黃金海中蝦
$138
60 views
0 likes
0 comments
黃金海中蝦：呢道菜係我全晚最值得回味，餐廳使用嘅蝦非常新鮮，亦都清理得非常乾淨，所以食落去沒有半丁點兒苦澀味，反而將蝦嘅鮮甜充分帶出。黃金蝦係以鹹蛋味，我成日都好擔心食得太多鹹蛋會令身體有負擔同埋會好重的油膩感，但係呢度黃金蝦完全冇呢個問題，蝦嘅新鮮展現咗餐廳用心，鹹蛋味非常輕盈，食落口唔會感到油膩同樣不失濃郁，係一道非常出色嘅菜式。
凍奶茶
50 views
0 likes
0 comments
飲品就當然選擇左最具香港特色嘅凍奶茶啦，飲落去甜度適中，都飲到茶味，非常可口。
餐廳感覺比我非常舒適，充分感受到香港本土嘅人情味，坐得非常舒服，希望比更多人知道呢間餐廳嘅存在，將我哋香港特色發揚開去！
Post
