香港地道大排檔之一，鑊氣一流。
其實唔係第一次食，以前細個讀書年代都有黎食過2次。事隔10年再嚟幫襯，以前只有一間店，依家擴展到幾乎半條街，真係勁！！
都知道一到夜晚任何一日都好多人排隊，我哋為左避開人龍，所以五點幾就嚟攞飛，唔使等～～😄
今次同朋友們嚟到點咗啲人氣小菜：
⭐️小炒皇
腰果蝦乾魷魚份量算多，韭菜翠綠冇渣，加上爽口菜脯粒，食落口味道豐富爽脆。
1
⭐️避風塘炒蟹
超級惹味，蒜香夠香夠味，肉質鮮嫩，非常之有鑊氣，好味！
⭐️椒鹽九肚魚
炸到外脆內軟，新鮮熱辣辣，香脆惹味，送酒一流👍🏻😄
⭐️鐵板黑椒豬手
肉質好腍好多肉，好入味👍🏻
1
⭐️薯仔牛柳粒
似係預先整好，薯仔應該唔係即刻炒同炸，薯仔同牛柳粒就較為乾身，肉質唔算滑，味道一般。
